Gure eskolan, artea ez da soilik ikasteko modua, baizik eta ikasleek beren proiektuak sortu eta garatzeko espazio bat. Adin aniztasunean eta taldean lan eginez, ikasleek bakoitzak bere ideiak eta sormena modu autonomoan lantzen dituzte. Proiektu bakoitza ikasleek euren interesak eta zaletasunak aintzat hartuta garatzen dute, eta horrek beren sormena eta adimen kritikoa elikatzen ditu.

Artearen diziplina desberdinak jorratzen ditugu: margolanak, eskulanak, buztina, joskintza, ikus entzunezkoak… baina guztietan oinarri bakarra dugu: ikasleek beren proiektua aurrera eramatea eta irudimenaren munduari forma ematea. Proiektu hauen bidez, ikasleek taldean lan egiteko gaitasuna, lidergoa, eta lankidetza baloreak lantzen dituzte, eta aldi berean, beren nortasuna eta sormena adierazteko aukera izaten dute.